Blog

同劉華講聲……HAPPY BIRTHDAY!

一個平凡的九月天,突然收到電話,要為劉華做生日蛋糕。 Woooohoooooo﹗有好多同事都好興奮,而呢個亢奮狀態維持左好耐,到而家都未冷靜落黎... 有些同事更係一放完假落機,即刻回來幫手。劉天王真係威力驚人。 初時同電影公司溝通,係做忌廉蛋糕的。 之後決定改做糖皮蛋糕。 糖皮蛋糕仲好,睇上去蛋糕更高大,影相更靚。 劉華的人像草圖都完成。 跟住,師傳開工。佢用左一個早上,已經完成左劉天王既招牌鷹鼻。 天王蛋糕完成!
Read more

五層結婚蛋糕 (真架!)

今次幫友做一個五層結婚大蛋糕,令人興奮的是,整個餅沒一層是假狗! 如假包換,已經夠興奮喇。 不過很快就回到現實世界,最頭痕如何運送,睇到呢個哂冷陣容都知...... 開工! 層層疊中,12"...10"...8"...6"...4".... 經過一堆切刎刨補填唧,Tada! 成品出來啦! 漸變粉紅送到會場,在現場燈光下看十分討好,之前在廚房白光燈下都沒那麼好看。 對啦,講返運送。 Delivery 比造餅難10倍,大家前一晚已經忐忑不安,明明眼前已經有一架運送架車但仍然好像沒有安全感,帶著問題入睡的結果就是睡一覺後醒來又想到些東西,於是連跑帶跳走去弄發泡膠回來放車上做避震,切foamboard做蛋糕盒,再帶定一向送餅都傍身的「救命Kit」,吸一口氣出發。樓下有GogoVan 5.5噸貨車待命,上車後我們就在不見天日的密室內了。紮好馬磅實蛋糕,司機一開車,搖下搖下的感覺和平日完全不同,大事不妙,簡直好像身處失事飛機內,無方向感,很吵,亂搖,失重心平衡,又刺激又恐怖。 渡日如年,10分鐘車程好不容易完成,聽到司機熄車的聲音簡直好樣雨後陽光! 蛋糕安全到達,除了我們的努力外,司機應記一功!司機 I love you! (笑)
Read more

我們的滿足感

Barbara 同 Mandy 都係我地常客。今次收到Barbara「長氣」留言,Solo老師直呼「感動到想喊」。 呢啲就係我地辛苦工作但仍然繼續堅持既原因喇。(笑)
Read more

Ironman 成功了

相片右手邊見唔見有半隻手?佢係全場唯一嘅男同學,但佢做蛋糕係全場最靚,睇下右下角個蛋糕就知。 呢個同Ironman有八成似既靚佬,高大威猛但係舉止低調溫文 (嘩!!) ,原來黎做蛋糕追女仔既 (o車..)。 3星期後佢再返黎幫襯,告知已經成功「佢已經做左我女朋友啦」然後多謝我地,讚蛋糕好食,係成功功臣之一。 我地果刻掩面無言,好感動。
Read more

父愛洋溢 (2)

教室一角這面牆貼上好多回憶,在3月尾某日突然多了一張即影即有,是CEO的朋友到訪。 是一對年輕夫婦帶著幾個月大的BB女兒,還有從澳洲Working holiday回港的舊同事。結果可想而知,正當一般人應該困在公司,當天下午這裡卻變成懷舊歡樂小天地,吵得很。(笑) CEO一直形容那爸爸抗拒小孩,說有一次他在大夥漢子面前拍哂心口:「我一定唔會學你地post個女張相上fb!」,半夜三更還在跟一堆單身漢子打GTA,不怕嘈醒BB?仲唔係瀟洒哥?我曾一度懷疑「咁唔鍾意,生黎做乜呢?」 今日再見真身,面對面睇又係另一回事。以後漢子口中話,都係信一成算數! 今日Studio內親眼所見,父愛爆棚, 「BB你醒啦?*muah*!」當住你咁多對眼面前,俯身嘴落個女度。 「BB你睇下條街?睇下呢度?睇下果度?.....」 抱埋個女去窗邊睇街街。 一個麻甩佬即時融化大家的心,哈!
Read more