Blog

父愛洋溢 (1)

為左個仔,你可以去到幾盡? 爸爸為左個仔生日,來單對單上堂做慈父牌Birthday Cake,一做就足七粒鐘。(嘩) 悠閒週五下午時間,特地播著cosy的cafe music,期間一直天南地北。Cakeaway 搞不少親子班,小朋友見得多,順道又訪問下這位爸爸。 「我覺得人到某個年紀就應該生仔。」爸爸淡淡然,似在說別人的故事。 好像生命很公式化的樣子。 回想起80年代,我爸爸會為我搞生日會,但未曾親手做生日蛋糕給我,那個年頭這行為好像怪怪的;現在可不一樣, Cakeaway 開店以來還不止一個爸爸來親手做生日蛋糕給兒子 ( 還是很熱心誠意的單對單上課) ,在這個年頭真愈來愈多,我只是暗忖小小人仔,長大是否仍記得老爸當年一番嘔心瀝血?拜託一定要記得呀! 七粒鐘累死人呀。 爸爸後來將生日會的照片send給我看。一堆小小人仔圍在一起切蛋糕,開心到暈。 「我覺得人到某個年紀就應該生仔。」雖然爸爸這樣說,其實壓根兒就是因為鍾意小朋友才生孩子啦,唔駛難為情喎。(笑) 文:校長
Read more

慈善生日會

Solo 以前在有線工作的舊同事Alison今年想為一歲女兒辦生日會,所以聯絡我地做蛋糕。 但呢個生日會同以往一般生日會唔同,係一個慈善生日會,Alison話:" 港孩物質豐富,三餐不愁,一屋玩具,上學做家課叫苦連天,不願吃苦,不懂珍惜。惟同一天空下,活在偏遠山區的貧困兒童,每天為兩餐一宿而擔憂,更遑論接受教育的機會。我不想女兒感染港孩惡習,決意從少教她知福惜福,小人兒首個生辰,特意為她辦慈善生日會,藉此為內地山區兒童籌款。" 所以我地更加俾心機做呢個蛋糕。熱氣球主題都係我地首次,難度唔高,做得好開心。 送蛋糕時,Alison 連連道謝,我地仲有利是收 (因為係年初四),呢個媽媽實在太好,簡直係完美的女性model。 Alison在Baby Kingdom旗下的網上雜誌BK Milk記述生日會的文章: http://www.bkmilk.com.hk/?p=115820
Read more

熊本熊 Kumamon 生日會@一田百貨

年初四咁既樣,就係Kumamon咁既樣,開心死人啦。 過年前收到一田邀請,Kumamon除左趁農曆新年黎香港,原來仲適逢佢生日,所以一田就請我地幫手做個蛋糕俾佢啦。聽到都覺得好笑,因為要生日主角自己切爛自己個樣! 我呢個Kumamon小小fans,就興高釆烈、不辭勞苦咁年初二、三返黎開工啦。(即係冇收過爐...) 隻熊個mascot player應該係日本黎,動作反應都係專業級,總之好期待啦! 終於到年初四,晨早送貨,問負責人幾點切蛋糕,我猶如小fans想同佢同蛋糕影相。 負責人話12點。 到11點55分,去到時,已經切左蛋糕影完相,蛋糕消失左! 剩返隻熊娛緊賓。 呀! 我想來一招熊本熊式dum地! (慘) 呢啲相都係靠一田同在場既朋友 (咁o岩又係我地studio既同學仔) send 返俾我地。 總之見到隻熊切蛋糕,真係好好笑,全日既開心指數維持o係高水平。 唔好睇少呢個蛋糕好似好簡單,其實個頭經過好多formula & calculations 先似返佢個shape。(計左好多 x=? 既中學雞算式) 以前讀書既總算冇俾返老師....
Read more

有線主播新年團拜

好開心! 新年一次過見哂所有Cable舊同事。(笑) 知道有好多小朋友會黎,得登做個蛋糕氹下佢地。點知大叫既唔係小朋友而係班大人,自拍神器立即出動影大合照,呢個蛋糕威力好得人驚。(笑)
Read more