俾大家睇下，今年CEO親手設計的利是封。
好勤力，CEO一早已經做好artwork，睇埋紙版，一月頭settle好哂，跟住只係等過年前日子收貨。
件事就係冇咁順利，半個月後，即係臨過年前個幾星期，間廠話，唔好意思，搵勻成個倉都唔見有你D利是封，我地應該做漏左。
咁，而家呢刻開機印趕得切嗎？
就係趕唔切，做燙金那位師傅已經一早參與春運呢個動物大遷徒。
咁眼前只有兩條路：（1）過年後補印返俾我地（咁都虧佢講得出） （2）退款
咁都冇得揀，都係退款。
有D野，大吵大鬧都解決唔到，利是封又唔會出返黎，我地都好平靜，但心中嬲嬲地。
最後決定香港印，但貴左，數量少左。
不過效果都唔錯！已經封哂利是喇！
利是封仲有存貨，預埋之後幾年用，睇下黎緊有冇機會派俾你。
